Latif Safarov

Latif Bashir o'g'li Safarov ozarbayjonlik aktyor va kinorejissyor bo'lgan. Ijodini juda yoshligidan boshlagan Safarov 1927-1931-yillarda chiqarilgan «Sevil», «Latif» kabi bolalar filmlarida suratga tushgan. 1939-yilda Ganja pedagogika bilim yurtini tamomlagan. Keyingi ikki yil davomida aktyorlikni davom ettirib, Boku kinostudiyasida (1960-yilda «Ozarbayjonfilm» deb qayta nomlangan) rejissyor yordamchisi bo'lib ishlagan. 1950-yilda Gerasimov nomidagi Kinematografiya institutini kino rejissyorligi yo'nalishi bo'yicha bitirgan. Uning eng muhim loyihasi 1955-yilda suratga olingan, bosh rolni Rashid Behbudov ijro etgan «Baxtiyor» filmi hisoblanadi. Shundan so'ng, «Qaynoq quyosh ostida» (1957) va «Layli va Majnun» (1962) filmlari unga katta shuhrat keltirdi. 1958-yilda Safarov Ozarbayjon Kinematografchilar uyushmasiga rahbar etib saylandi. 1960-yilda «Ozarbayjon san'atida xizmat ko'rsatgan artist» unvoni bilan taqdirlandi. 1955-yilda xonanda Shovkat Alakbarova bilan turmush qurgan. 1963-yilda «Mo'jizalar oroli» filmi ustida ishlayotgan vaqtda o'z joniga qasd qilib vafot etgan.