Larenz Tate

Larenz Teyt (1975-yil, 8-sentyabrda tug'ilgan) — amerikalik kino va televidenie aktyori. Chikagoda tug'ilgan Teyt to'qqiz yoshida oilasi bilan Kaliforniyaga ko'chib o'tgan. Ota-onasi tavsiyasi bilan aktyorlik to'garagiga qatnashgan Teyt va uning aka-ukalari dastlab mashg'ulotlarga jiddiy yondashmagan. Biroq, sinfdoshi Malkolm-Jamal Uorner "The Cosby Show" sitkomida katta muvaffaqiyatga erishgach, ular ham aktyorlik faoliyatiga jiddiy kirishishga qaror qilgan. 1985-yilda Teyt "The New Twilight Zone" serialida debyut qilgan. "21 Jump Street", "The Wonder Years", "The Women of Brewster Place" va "Family Matters" kabi loyihalarda suratga tushgan. Shuningdek, "187 Ride or Die" videoo'yinida asosiy qahramon Bak ovozini ijro etgan. 1992-yil oxirida esa Xyuz aka-ukalarining "Menace II Society" filmida bosh rolni ijro etgan.