Krzysztof Kieślowski

Krzysztof Kieślowski (1941–1996) — nufuzli polyak kinorejissyori va ssenariynavisi. U xalqaro miqyosda "Dekalog" (1989) teleseriali, "Veronikaning ikki hayoti" (1991) filmi hamda "Uch rang" (1993–1994) trilogiyasi bilan tanilgan. Faoliyati davomida Kann kinofestivalining hakamlar hay’ati sovrini (1988), FIPRESCI (1988, 1991) va Ekumenik hakamlar hay’ati mukofotlarini (1991), Venesiya kinofestivalining FIPRESCI (1989), "Oltin sher" (1993) va OCIC mukofotlarini (1993), shuningdek, Berlin kinofestivalining "Kumush ayiq" (1994) mukofotini qo‘lga kiritgan. 1995-yilda "Oskar" mukofotining "Eng yaxshi rejissyor" va "Eng yaxshi ssenariy" nominatsiyalarida nomzod bo‘lgan. 2002-yilda Britaniya kino instituti tomonidan zamonamizning eng yaxshi o‘n rejissyori ro‘yxatida ikkinchi o‘rinni egallagan.