Kool Moe Dee

Mohandas Dyuyz (1962-yil 8-avgust), ko'proq Kool Moe Dee sahna nomi bilan tanilgan — amerikalik reper, qo'shiqnavis va aktyor. SUNY Old-Vestberi kollejini kommunikatsiyalar yo'nalishi bo'yicha tamomlagan. U «Gremmi» mukofoti sovrindori va ikki karra nomzodi bo'lgan. Xip-xop janridagi New Jack Swing yo'nalishining asoschilaridan biri sanalgan san'atkor 1980-yillarda xip-xop musiqa tarixidagi eng nufuzli guruhlardan biri bo'lgan Treacherous Three a'zosi sifatida shuhrat qozongan. Faoliyati davomida yettita studiyaviy albom chiqargan. Uning tezkor va shiddatli rep uslubi Big Daddy Kane, Beastie Boys, KRS-One, Rakim, Will Smith, N.W.A, Tupac Shakur, Nas va Jay-Z kabi ijodkorlarga ta'sir ko'rsatgan. «Go See the Doctor», «Wild Wild West» va «How Ya Like Me Now» uning eng mashhur qo'shiqlari hisoblanadi.