Kirk Jones

Kirk Jones (1964-yil 31-oktyabrda Bristol, Angliyada tugʻilgan) — ingliz kinorejissyori va ssenariychisi. Long-Eshtonda oʻsgan va 1985–1987-yillarda Nyuport kino maktabida rejissyorlik boʻyicha tahsil olgan. 1987-yilda talabalar oʻrtasidagi kino mukofotini qoʻlga kiritib, London prodyuserlik kompaniyalaridan birida ish boshlagan. 1990-yilda Mercedes reklamasi uchun “Creative Circle” kumush mukofotini olganidan soʻng, “Xenium Productions”ga rejissyor sifatida taklif qilingan. U 1991-yilda “Absolute Vodka” reklamasi uchun ham kumush mukofot bilan taqdirlangan. 1991-yilda prodyuser Glynis Murray bilan hamkorlikda “Tomboy Films”ni tashkil etgan. Heinz kampaniyasi uchun 1996-yilda Kann festivalida kumush sher, Reebok reklamasi uchun 1998-yilda “Creative Circle” va Britaniya TV reklamasi mukofotlarini olgan. 1999-yilda oʻzining ilk “WAKING NED” filmi uchun BAFTA mukofotiga nomzod boʻlgan.