Kinuyo Tanaka

Kinuyo Tanaka (1909-yil 29-noyabr – 1977-yil 21-mart) – yaponiyalik aktrisa va rejissyor. Yaponiyaning Yamaguti prefekturasi, Simonoseki shahrida tug‘ilgan. Aktrisalik faoliyatini 17 yoshida boshlab, 1927-yilda Xeynosuke Gosyoning «An Embarrassing Dream» filmida suratga tushgan. U Yasudziro Odzuning «I Graduated, But...» (1929) va Yaponiyaning ilk ovozli filmi «The Neighbor's Wife and Mine» (1931) kabi ko‘plab kartinalarda bosh rollarni ijro etgan. Kenzi Midzoguti bilan yaqin hamkorlik qilib, uning 15 ta filmida, jumladan, «The Life of Oharu» (1952), «Ugetsu» (1953) va «Sansho the Bailiff» (1954) asarlarida bosh qahramon bo‘lgan. Tanaka Yaponiyada film rejissyori sifatida ishlagan ikkinchi ayol bo‘lib, o‘zining ilk rejissyorlik ishini 1953-yilda «Love Letter» filmi bilan boshlagan. 1975-yilda «Sandakan N° 8» filmidagi ijrosi uchun Berlin xalqaro kinofestivalida «Eng yaxshi aktrisa» mukofotini olgan.