Kiara Advani

Kiara Advani — Bollivud va telugu kinosida faoliyat yurituvchi hind aktrisasi. 1992-yil 31-iyulda Mumbayda tugʻilgan. U kinodagi ilk qadamini 2014-yilgi "Fugly" filmi bilan boshlagan, biroq 2016-yilda suratga olingan "M.S. Dhoni: The Untold Story" filmidagi Sakshi Dhoni obrazi bilan keng tanilgan. Uning karyerasi Netflix’ning "Lust Stories" (2018) antologiyasi va telugu blokbasteri "Bharat Ane Nenu" (2018) filmlaridan soʻng keskin koʻtarilgan. Keyinchalik "Kabir Singh" (2019), "Good Newwz" (2019), "Shershaah" (2021) va "Bhool Bhulaiyaa 2" (2022) kabi muvaffaqiyatli loyihalarda suratga tushib, katta shuhrat qozongan.