Kevin Hart

Kevin Darnell Hart (1979-yil 6-iyulda tug'ilgan) — amerikalik stendap-komediyachi, aktyor va prodyuser. Pensilvaniya shtatining Filadelfiya shahrida tug'ilib o'sgan Xart Yangi Angliyadagi klublarda havaskorlar komediya tanlovlarida g'olib chiqib, o'z faoliyatini boshlagan. Uning ijodidagi ilk jiddiy burilish 2001-yilda ro'y berdi va Judd Apatow uni "Undeclared" teleserialiga taklif qildi. Serial bir mavsum davom etgan bo'lsa-da, Xart keyinchalik "Paper Soldiers" (2002), "Scary Movie 3" (2003), "Soul Plane" (2004) va "Little Fockers" (2010) kabi filmlarda rollar o'ynadi. Uning komedik karyerasi 2008-yilda chiqqan "I'm a Grown Little Man" nomli ilk stendap albomi hamda "Think Like a Man" (2012), "Ride Along" (2014), "Central Intelligence" (2016), "Jumanji: Welcome to the Jungle" (2017) kabi filmlardagi rollari bilan yanada yuksaldi. 2015 yilda Time jurnali Xartni dunyoning 100 ta eng nufuzli kishisi qatoriga kiritdi. 2017 yilda esa u Lionsgate bilan hamkorlikda Laugh Out Loud Network striming xizmatini ishga tushirdi.