Kenneth Tsang

Kenneth Tsang Kong (1935-yil 5-oktabr – 2022-yil 27-aprel) — gonkonglik aktyor. Uning 50 yillik ijodiy faoliyati davomida turli xil obrazlarni gavdalantirgan. 2015-yilda 34-Gonkong kinomukofotlari marosimida «Eng yaxshi ikkinchi plandagi aktyor» nominatsiyasida g'olib bo'lgan. Gonkongda tug'ilgan aktyorning oilasi Guangdong provinsiyasidagi Zhongshan shahridan bo'lgan. AQShning Texas shtatida o'rta maktabni tamomlagach, Kaliforniya universiteti (Berkeley)da arxitektura bo'yicha diplom olgan. 1960-yillarning boshida Gonkongga qaytgan, ammo arxitektura sohasi uni qiziqtirmagan. O'sha paytda kino yulduzi bo'lgan opasi Jeanette Lin Tsui unga sohada kerakli aloqalarni o'rnatishga yordam bergan. O'sha davrda ayol aktrisalar yoshini oshkor qilishi qabul qilinmagani sababli, matbuotda Lin Tsui doimo Kennethning singlisi deb atalgan. Tsang kinodagi debyutini 16 yoshida «The Feud» (1955) filmida qilgan, ortidan «Who Isn't Romantic?» (1956) filmida suratga tushgan. 1960-yillarning o'rtalarida u o'sha davr yoshlar kumirlari Connie Chan Po-chu va Josephine Siao bilan detektiv va klassik kung-fu filmlarida bosh rollarni ijro etgan. Shuningdek, 1960-yillarning oxirida bir nechta «Wong Fei-Hung» filmlarida ko'rinish bergan. 1986-yilda John Wooning «A Better Tomorrow» filmida taksi egasi Ken rolini o'ynagan. Keyinchalik yana Wooning «A Better Tomorrow 2» (1987), «The Killer» (1989) hamda «Once a Thief» filmlarida muvaffaqiyatli hamkorlik qilgan.