Ke Huy Quan

Ke Huy Quan (1971-yil 20-avgustda tugʻilgan), shuningdek, Jonatan Ke Quan nomi bilan ham tanilgan — amerikalik aktyor. Uning mukofotlari qatoriga "Oltin globus" va "Oskar" mukofotlari kiradi. Vyetnamda tugʻilgan Quan bolaligida Qoʻshma Shtatlarga koʻchib oʻtgan. Bolaligida u "Indiana Jones and the Temple of Doom" (1984) filmidagi Short Round va "The Goonies" (1985) filmidagi Data rollari bilan shuhrat qozondi. 1990-yillarda bir nechta yoshlarbop rollarni ijro etganidan soʻng, u 19 yillik aktyorlik tanaffuzini eʼlon qildi va bu davrda kaskadyorlar direktori hamda rejissyor yordamchisi boʻlib ishladi. Quan aktyorlikka "Finding ʻOhana" (2021) oilaviy sarguzasht filmi bilan qaytdi, shundan soʻng tanqidchilar tomonidan yuqori baholangan "Everything Everywhere All at Once" (2022) filmida suratga tushdi. Ushbu roli uchun u "Eng yaxshi ikkinchi plandagi aktyor" nominatsiyasida "Oskar" mukofoti hamda boshqa koʻplab nufuzli sovrinlarni qoʻlga kiritdi. U "Oskar" mukofotini qoʻlga kiritgan Vyetnamda tugʻilgan ilk aktyor hisoblanadi. 2023-yilda Time jurnali uni dunyodagi 100 ta eng nufuzli kishidan biri deb eʼlon qildi. Shundan beri u 2023-yilda Disney+ʼning "Loki" serialining ikkinchi mavsumida va 2025-yilda Disneyʼning "Zootopia 2" animatsion filmida rol oʻynadi.