Kayo Shekoni

Kayo o‘z ijodini 1980-yillarda Shvetsiyaning “Freestyle” sint-pop guruhida xonanda sifatida boshlagan. Keyinchalik turli shved sanʼatkorlari uchun bek-vokalchi va raqqosa bo‘lib ishlagan. Klassik balet maktabini tamomlagan. 1990-yilda “The SweMix” leyblida o‘zining soul-klub uslubidagi albomini chiqargan. Keyinchalik “Le Click” guruhining aʼzosi sifatida Shimoliy Amerika va Germaniyada mashhurlikka erishgan. 2000-yillarning boshida “Afro-dite” pop guruhi bilan “Melodifestivalen” tanlovida qatnashib, 2002-yilda Shvetsiya sharafini “Evrovideniye” qo‘shiq tanlovida himoya qilgan. 2006-yilda yakkaxon ijrochi sifatida ham faoliyat yuritgan.