Katia Winter

Katia Winter (1983-yil, 13-oktabrda tugʻilgan) — shved millatiga mansub aktrisa. Yoshligida Angliyaga koʻchib oʻtgan. London va Stokgolmda kino, ekran aktyorligi va montaj yoʻnalishida tahsil olgach, aktyorlik faoliyatini boshlagan. FOX telekanalining "Sleepy Hollow" serialidagi Katrina Crane va "The Killing Game" filmidagi Milla rollari bilan tanilgan. Shuningdek, Alexis Dos Santos rejissyorlik qilgan "Unmade Beds" (2009) va Mejhad Huda tomonidan suratga olingan "Everywhere and Nowhere" (2011) kabi mustaqil filmlarda suratga tushgan. 2010-yil mart oyida Nyu-Yorkka koʻchib oʻtgan va koʻp oʻtmay Samuel L. Jackson va Kellan Lutz bilan birga "The Killing Game" filmida bosh rolni ijro etgan.