Katey Sagal

Catherine Louise "Katey" Sagal (1954-yil 19-yanvarda tugʻilgan) — amerikalik aktrisa, qoʻshiqchi va qoʻshiq muallifi. Televideniye va musiqa sohasida muvaffaqiyatli hamda serqirra faoliyat olib borgan sanʼatkor shou-biznesda hurmatga sazovor shaxslardan biridir. Sagal ilk bor uzoq davom etgan "Married... with Children" (1987–1997) sitkomidagi Al Bundyning oʻktam va molparast rafiqasi Peggy Bundy roli tufayli tanilgan. Uning bu obrazi aktrisalalik qirralarini ochib berib, uni tomoshabinlar sevimlisiga aylantirgan. Sitkom yakunlanganidan keyin ham turli komedik va dramatik loyihalarda muvaffaqiyatli qatnashdi. Jumladan, "Futurama" animatsion serialida Leelaga ovoz bergan, "Sons of Anarchy" loyihasida murakkab xarakterdagi Gemma Teller Morrow rolini oʻynagan. Ushbu rollari uchun u tanqidchilar eʼtirofiga sazovor boʻlib, nufuzli mukofotlarga nomzod etib koʻrsatilgan. Sagal aktrisalikdan tashqari isteʼdodli qoʻshiqchi va bastakor hamdir. Rok va kantri janrlarida bir nechta albomlar chiqargan, uning qoʻshiqlari "Sons of Anarchy" kabi koʻplab teleseriallarda yangragan. Katey Sagal oʻzining serqirraligini namoyish etib, ham komedik, ham dramatik rollarni birdek mahorat bilan ijro etib kelmoqda.