Karim Benzema

Karim Mostafa Benzema (1987-yil 19-dekabrda tug'ilgan) — fransiyalik professional futbolchi, hujumchi. Hozirda Saudiya Arabistonining "Al-Ittihad" klubida to'p suradi. Tarixdagi eng kuchli hujumchilardan biri hisoblangan Benzema o'zining texnik mahorati, maydonni ko'ra olish qobiliyati va kreativligi bilan ajralib turadi. U "Real Madrid" tarixidagi ikkinchi eng yaxshi to'purar va eng ko'p golli uzatmani amalga oshirgan futbolchidir. Madrid klubi safida 25 ta sovrin, jumladan, 4 ta La Liga, 3 ta Qirol kubogi va 5 ta UEFA Chempionlar Ligasi g'olibi bo'lgan. Faoliyati davomida klub va terma jamoa tarkibida 500 dan ortiq gol urgan.