Kanna Hashimoto

Kanna Xasimoto (1999-yil 3-fevralda tugʻilgan) — yaponiyalik estrada qoʻshiqchisi va aktrisa, Yoshimoto R&C agentligi ostida faoliyat yuritadi. U oʻz karyerasini Rev. from DVL qizlar pop-guruhi aʼzosi sifatida boshlagan. Xasimoto boshlangʻich maktabning uchinchi sinfida oʻqib yurgan kezlarida oʻzining tugʻilib oʻsgan shahri Fukuokadagi Active Hakata agentligi bilan shartnoma imzolagan va Rev. from DVL guruhi safiga qoʻshilgan. 2011-yilda u „I Wish“ filmida suratga tushgan. 2013-yilda esa Rev. from DVL guruhining jonli chiqishlaridan birida olingan surati 2channel va Twitter tarmoqlarida keng tarqalib ketgach, butun mamlakat eʼtiboriga tushgan. Tabiiy goʻzalligi uchun unga „mahalliy butlardan koʻra yoqimli“, „farishtasimon but“ va „ming yilda bir marta uchraydigan isteʼdod“ kabi taʼriflar berilgan.