Jwaundace Candece

Jwaundace Candece aktyorlik karerasini boshlash uchun 2000-yil yanvar oyida Atlantadan Los-Anjelesga ko'chib o'tgan. Sportga bo'lgan iqtidori tufayli u 2000-yilda efirga uzatilgan WOW (Women of Wrestling) teleseriali uchun o'tkazilgan kastingda qatnashib, minglab nomzodlar orasidan tanlab olingan. U salbiy qahramon rolini so'rab olgach, "Delta Lotta Pain" taxallusi bilan mashhur bo'ldi va Caged Heat jamoasi tarkibida 2000-yilda WOW tarixidagi birinchi chempionlikka erishdi. Katta shuhrat qozongach, Jwaundace kaskadyorlik sohasiga qadam qo'ydi. U "Bringing Down the House" filmida Queen Latifaning dublyori sifatida ishladi va ushbu jang sahnasi uchun 2004-yilda MTV Movie Awards mukofotiga nomzod bo'ldi. Jwaundace 75 dan ortiq film va seriallarda Viola Davis, Mo'Nique, Jennifer Hudson, Queen Latifah, Whoopi Goldberg va Oprah Winfrey kabi yulduzlarning dublyori sifatida faoliyat yuritgan. 2010-yilda farzandini tarbiyalash uchun Atlantaga qaytib, "Banshee", "Conan", "Let's Stay Together" seriallarida hamda ABC telekanalining "Resurrection" serialida Camille Thompson roli bilan aktyorlik faoliyatini davom ettirdi.