Julie de Bona

Jyuli de Bona (1980-yil, 7-dekabr) – fransuz aktrisasi. Italyan va vetnam millatiga mansub aktrisaning otasi kompyuter muhandisi, onasi esa tikuvchi bo‘lgan. 19 yoshida biokimyo fakultetida o‘qib yurgan paytida teatrga qiziqib, bir yillik ta’til olgan. Monpelye konservatoriyasida tahsil olgach, faoliyatini teatr-kafelarda boshlagan, keyinroq televideniye loyihalarida ilk kichik rollarini ijro etgan. Shaxsiy hayoti haqida ma’lumot berishni xushlamaydigan aktrisa 2018-yil 13-avgust kuni o‘zining Instagram sahifasida farzandli bo‘lganini ma’lum qildi, ammo otasining kimligini oshkor etmagan.