Joy Mathew

Joy Mathew — hindistonlik kino rejissyor, kino va teatr aktyori, dramaturg hamda siyosiy faol. U Britaniya kino instituti tomonidan barcha zamonlarning eng yaxshi 10 ta hind filmidan biri deb topilgan Jon Abraxamning 1986-yilda suratga olingan "Amma Ariyan" filmidagi bosh roli bilan tanilgan. 2012-yilda u Kojikode shahrida bir kecha-kunduz ichida sodir bo‘lgan kutilmagan voqealarni ochib beruvchi "Shutter" filmi bilan rejissyorlikdagi debyutini qildi. Filmning Hindistondagi premierasi Kerala 17-xalqaro kinofestivalida, xalqaro premierasi esa Dubay 9-xalqaro kinofestivalida bo‘lib o‘tdi. Shuningdek, u Kerala kinofestivalida "Eng yaxshi to‘liq metrajli film" nominatsiyasida tomoshabinlar mukofotini qo‘lga kiritdi. U malayalam tilida 20 dan ortiq pyesalar muallifi, jumladan, "Athirthikkal" (1989), "Sankadal" (1996), "Pretoria – 18 Oct" (1996) va "Chille 73" (1997) kabi asarlar yozgan. uning ikkita pyesasi 1995 va 1996-yillarda Kerala Sahitya akademiyasi hamda Kerala Sangeeta Nataka akademiyasi tomonidan taqdirlangan. Shuningdek, u "Madhya Dharanazhi" (1996) pyesasi uchun Kerala Sahitya Akademi mukofotiga sazovor bo‘lgan.