Joshua Fatu

Joshua Semyuel Fatu — amerikalik professional kurashchi. Hozirda WWE tashkilotida Jey Uso nomi ostida chiqish qiladi. U samoalik taniqli Anoaʻi kurashchilar oilasi vakili. Otasi, WWE shon-sharaf zali a’zosi Rikishi qo‘l ostida shug‘ullangan Fatu 2010-yilda WWE'ning Florida Championship Wrestling (FCW) bo‘linmasida debyut qilgan. Egizak akasi Jimmi Uso bilan birgalikda "The Usos" jamoasini tuzib, FCW Florida tag jamoaviy chempionligini qo‘lga kiritgan. Asosiy tarkibga o‘tgach, ular Tamina Snuka va Naomi boshqaruvida kurashishgan. 2021-yil iyulidan 2023-yil iyunigacha Roman Reyns boshchiligidagi "The Bloodline" guruhining a’zosi bo‘lgan. "The Usos" tarkibida Fatu WWE tarixidagi eng uzoq davom etgan erkaklar jamoaviy chempionligi rekordini (622 kun) o‘rnatgan. Ular WWE'da jami sakkiz karra jamoaviy chempion bo‘lishgan, 2014 va 2015-yillarda "Slammy" mukofotini qo‘lga kiritishgan.