Joseph Gordon-Levitt

Joseph Leonard Gordon-Levitt (1981-yil 17-fevralda tugʻilgan) — amerikalik aktyor va kinoijodkor. U "500 Days of Summer" (2009) hamda "50/50" (2011) filmlaridagi bosh rollari uchun "Oltin globus" mukofotining "Eng yaxshi aktyor" nominatsiyasiga sazovor boʻlgan. U "HitRecord" onlayn media platformasining asoschisi boʻlib, uning loyihalari (jumladan, "HitRecord on TV" va "Create Together") uchun ikkita Primetime Emmy mukofotiga loyiq koʻrilgan. Los-Anjelesda yahudiy oilasida tugʻilgan va aktyorlik faoliyatini bolaligidan boshlagan. "A River Runs Through It" (1992), "Holy Matrimony" (1994), "Angels in the Outfield" (1994) kabi filmlarda suratga tushib, Yosh aktyor mukofoti va Saturn mukofoti nominatsiyasini olgan. "3rd Rock from the Sun" (1996–2001) serialida Tommi Solomon rolini oʻynab, SAG mukofotining uchta nominatsiyasini qoʻlga kiritgan. Kolumbiya universitetida oʻqish uchun aktyorlikdan tanaffus olgan, biroq 2004-yilda oʻqishni tashlab, karyerasini davom ettirgan. Kino olamiga qaytgach, "Manic" (2001), "Mysterious Skin" (2004), "Brick" (2005), "The Lookout" (2007), "Inception" (2010), "The Dark Knight Rises" (2012) va "Looper" (2012) kabi muvaffaqiyatli filmlarda bosh rollarni ijro etgan.