Josef Zíma

Josef Zíma — chexiyalik aktyor, qoʻshiqchi va boshlovchi. Estrada musiqa janridan tashqari u asosan damgʻali sozlar ansambli qoʻshiqchisi sifatida tanilgan. Uni ko'pincha chex damgʻali musiqasining o'zgacha qiroli deb atashadi. U aktrisa Eva Klepáčová bilan turmush qurgan. Pragada o'qishni tamomlagach, aktyorlik sirlarini o'rgangan va xususiy ravishda vokal saboqlarini olgan. 1948–1951-yillarda Konservatoriya xalq ansambli a'zosi bo'lgan, 1950-yildan boshlab Jaroslav Ježek orkestrida yakkaxon xonanda sifatida kuylagan. O'qishni tugatgach, Praga yaqinidagi Benesov shahrida o'zining ilk aktyorlik faoliyatini boshlagan va u yerda 1953–1955-yillarda ishlagan. 1955–1957-yillarda armiyada xizmat qilgan. Harbiy xizmatdan so'ng Satira teatriga (hozirgi U Nováků sarolidagi ABC teatri) ishga kirgan. 1958 yilda u Jiří Suchý muallifligidagi ilk plastinkada chiqqan "Blues for you" qo'shig'ini ijro etgan. 1959-yilda u avtohalokatga uchragan. Oqibatda xonandalar Judita Čeřovská, Alena Pánková, uning o'zi va kasalxonada vafot etgan rejissyor Jiří Jungwirth og'ir jarohat olgan. 1962–1992-yillarda, naq 30 yil davomida Praga Kamera teatrida (Praga shahar teatrlari birlashmasiga qarashli teatr) faoliyat yuritgan. U Praga Nusledagi Na Fidlovačce teatrida, Karlindagi Musiqa teatrida va Plzendagi Kamera teatrida rollar ijro etgan. Teatr bilan bir qatorda uning estrada xonandaligi karyerasi ham rivojlandi. Dastlab u o'z qo'shiqlarini televideniye orqali ijro eta boshlagan.