José Carreras

Josep Maria Carreras Coll (1946-yil 5-dekabrda tug‘ilgan), José Carreras nomi bilan mashhur, ispaniyalik opera xonandasi (tenor). Donizetti, Verdi va Puchchini operalaridagi chiqishlari bilan dunyoga tanilgan. Barselonada tug‘ilgan xonanda 11 yoshida Manuel de Falla'ning "El retablo de Maese Pedro" operasida debyut qilgan va 60 dan ortiq rollarni ijro etib, dunyoning eng nufuzli opera teatrlarida sahnaga chiqqan. 1990—2003-yillarda Plasido Domingo va Luchano Pavarotti bilan birgalikda "Uch tenor" guruhi tarkibida konsertlar berib, keng omma e'tirofiga sazovor bo‘lgan. 1988-yilda leykemiya kasalligidan tuzalganidan so‘ng, shu nomdagi xalqaro jamg‘armaga asos solgan va xayriya ishlari bilan ham shug‘ullanadi.