Jorma Tommila

Jorma Tommila (1959-yilda tug'ilgan) — finlandiyalik aktyor. 1997-yilda "Jussi" mukofotining "Eng yaxshi aktyor" nominatsiyasiga sazovor bo'lgan. Tommila 2022-yilda suratga olingan "Sisu" filmidagi Aatami Korpi roli bilan keng tanilgan. Finlandiyaning Rauma shahrida tug'ilib, bolaligi Kiukainenda o'tgan. Otasi Jorma to'rt yoshligida Ikkinchi jahon urushida olgan jarohatlari tufayli vafot etgan. Onasi tarbiyasida o'sgan Jormaning opasi Kielo Tommila ham aktrisa hisoblanadi. Hozirda oilasi bilan Vaasada istiqomat qiladi. Aktrisa Ida Helander-Tommilaga uylangan, u rejissyor Jalmari Helanderning singlisidir. Jorma aktyor Onni Tommilaning otasi. 1987-yilda Xelsinki teatr akademiyasida o'qib yurgan kezlari u eksperimental va radikal sahna san'ati bilan shug'ullangan "God's Theater" guruhining to'rt asoschisidan biri bo'lgan. Guruh chiqishlari provokatsion xarakterga ega bo'lgani uchun ular jarimaga tortilib, shartli qamoq jazosini olishgan va kollejdan haydalishgan. 1997-yilda u hamkasbi Jari Halonen rejissyorlik qilgan "The Christmas Party" filmidagi roli uchun "Jussi" mukofotiga loyiq ko'rilgan.