Jordan Walker Ross

Jordan Walker Ross — aktyor, ssenariynavis va prodyuser. U 6 yoshidan boshlab havaskorlar teatrida, xususan, “A Christmas Carol” spektaklida Tiny Tim rolini ijro etgan. Keyinchalik Texas va Kaliforniyada 40 dan ortiq professional spektakllarda sahnaga chiqqan. Oʻsmirlik yillarida kino va televideniyega eʼtibor qaratib, “Walker Texas Ranger”, Comedy Central kanalining “Reno 911”, Nickelodeon kanalining “Just Jordan” loyihalarida hamda bir qator mustaqil filmlarda suratga tushgan. 2018-yilda “The Chosen” serialining 1-faslida Little James rolini oʻynadi. Hozirda 7 fasldan iborat rejalashtirilgan serialning 5-fasli ustida ish olib borilmoqda va u dunyo boʻylab 250 milliondan ortiq tomoshabin eʼtiboriga tushgan. “The Chosen” loyihasining muvaffaqiyati Jordanga Paramount kanalining “Yellowstone” prikveli “1883”, “Black Panther: Wakanda Forever” filmi va “Remembering Terri” kitobi asosida suratga olinayotgan “Rise & Shine” filmida rollar keltirdi. Shuningdek, u bir nechta ssenariylar yozgan hamda “What's Your Limp?” podkasti muallifidir. Jordan Ross ikki oy erta tugʻilgani sababli serebral falaj va skolioz xastaliklari bilan dunyoga kelgan. 10 yoshga qadar u bir necha marta ogʻir jarrohlik amaliyotini oʻtkazgan va astma tufayli koʻp vaqtini shifoxonada oʻtkazishga majbur boʻlgan. Jismoniy imkoniyatlarining cheklanganligi aktyorlik faoliyatida qiyinchiliklar tugʻdirgan: u limping (oqsoqlanish) sababli baʼzi rollardan voz kechishga yoki loyihalardan chetlashtirilishga toʻgʻri kelgan.