Jonathan Majors

Jonathan Michael Majors (1989-yil 7-sentyabrda tugʻilgan) — amerikalik aktyor. Yale Drama maktabini tamomlagan Majors "The Last Black Man in San Francisco" (2019) va "Da 5 Bloods" (2020) dramalari hamda Primetime Emmy mukofotiga nomzod boʻlgan HBO'ning "Lovecraft Country" (2020) qoʻrqinchli serialidagi rollari bilan tanilgan. Shundan soʻng Majors "The Harder They Fall" (2021) vesternida Nat Love, "Devotion" (2022) harbiy filmida Jesse L. Brown va "Creed III" (2023) sport dramasida raqib Dame Anderson rollarini gavdalantirdi. Marvel kinematografiya koinotida (MCU) u "Ant-Man and the Wasp: Quantumania" (2023) filmida Fotih Kang (Kang the Conqueror) rolini oʻynagan, shuningdek, Disney+’ning "Loki" (2021–2023) serialida ushbu qahramonning boshqa talqinlarini ham gavdalantirgan. 2023-yil mart oyida Majors sobiq qiz doʻsti Grace Jabbari'ga jismoniy tazyiq oʻtkazgani uchun hibsga olingan. Oʻsha yilning dekabr oyida u tajovuz va bezorilik boʻyicha ikkita huquqbuzarlikda aybdor deb topildi. Hukm chiqarilgach, u koʻplab kelgusidagi loyihalardan, jumladan MCU bilan kelajakdagi hamkorlikdan chetlashtirildi. Shundan soʻng u maishiy zoʻravonlik boʻyicha 52 haftalik shaxsiy oʻquv dasturini oʻtab chiqdi.