Jonathan Brandis

Jonatan Gregori Brandis — amerikalik aktyor, rejissyor va ssenariy muallifi bo‘lgan. Karyerasini bolaligida model sifatida boshlagan, keyinchalik reklama roliklarida, shuningdek, televidenie va kinoda rollar ijro etgan. 17 yoshida NBC telekanalining «seaQuest DSV» serialida o‘smir dahosi Lukas Volenshak rolini qo‘lga kiritgan. Uning bu qahramoni yosh tomoshabin qizlar orasida juda mashhur bo‘lib, u o‘smirlarning kumiriga aylandi va o‘smirlar jurnallarining sahifalaridan tushmadi. Shuningdek, u «The Neverending Story II» filmida Bastian Bux, ABC telekanalining «It» miniserialida Bill Denbro (12 yoshli), «Sidekicks» filmida Barri Gabrevski, «Outside Providence» filmida Mousy va «Hart's War» filmida oddiy askar Lyuis P. Vakeli rollarini o‘ynagan. Disneyning «Aladdin» animatsion serialida Mozenrath obraziga ovoz bergan. 2003-yil noyabr oyida 27 yoshida o‘z joniga qasd qilgan.