Jon F. Merz

Jon F. Merz — Massachusets shtatida yashovchi amerikalik yozuvchi va aktyor. 1988-yilda Boston lotin maktabini tamomlagach, Massachusets universitetiga o'qishga kirib, yapon tili va Sharqiy Osiyo tadqiqotlari yo'nalishi bo'yicha tahsil olgan. Qo'shma Shtatlar Harbiy-havo kuchlariga xizmatga kirib, bir necha yil davomida AQSh hukumati uchun ishlagan. Xizmatni tugatgach, Fortune 500 ro'yxatiga kiruvchi mijozlarni qo'riqlash va moliya xizmatlari sohasidagi korxonalar uchun maxfiy korporativ tekshiruvlarni o'tkazish bilan shug'ullangan. Bolaligidan jang san'ati bilan shug'ullanib kelgan Jon 2003-yil 16-fevralda Yaponiyada Togakure-ryu Ninjutsu yo'nalishining 34-buyuk ustasidan to'g'ridan-to'g'ri 5-darajali qora belbog'ni qo'lga kiritgan. Oila qurgan, ikki o'g'il farzandi bor. U CrossFit, GORUCK chidamlilik sinovlari va boshqa faoliyatlar bilan shug'ullanadi. Uning ilk romani — "The Fixer" 2002 yilda Pinnacle Books/Kensington nashriyotida chop etilgan. Shundan beri u 40 dan ortiq roman, 20 ta qissa va son-sanoqsiz hikoyalar yozgan, jumladan, Gold Eagle/Harlequin nashriyoti uchun bestseller bo'lgan "Rogue Angel" sarguzasht romanlar seriyasining 11 ta qismini mualliflik qilgan. 2014-yilda modellik va aktyorlikka qadam qo'ygan Jon ko'plab reklamalarda, "The Cars That Made America" (2017) mini-serialida suratga tushgan hamda Miramax kompaniyasining "Mother/Android" ilmiy-fantastik trillerida Chloe Grace Moretzning otasi - janob Olsen rolini ijro etgan.