John Turturro

John Michael Turturro — mualliflik kinolari harakati bilan yaqindan tanish bo'lgan amerikalik-italiyalik aktyor, ssenariy muallifi va kinoijodkor. U oltmishdan ortiq badiiy filmda suratga tushgan hamda Coen aka-ukalari, Adam Sandler va Spike Lee bilan ko'p bora hamkorlik qilgan. U aktyorlik faoliyatini 1980-yillarning boshlarida boshlagan va «Five Corners» (1987) mustaqil filmi orqali tanqidchilar e'tiboriga tushgan. Turturro Lee'ning «Do the Right Thing» (1989), Coen'larning «Miller's Crossing» (1990) hamda Kann kinofestivalining «Eng yaxshi aktyor» mukofotini keltirgan «Barton Fink» (1991) filmlari orqali keng ommaga tanildi. Shundan keyingi rollari sirasiga «Quiz Show» (1994) dagi Herb Stempel, «The Big Lebowski» (1998) va «The Jesus Rolls» (2020) dagi Jesus Quintana, «O Brother, Where Art Thou?» (2000) dagi Pete Hogwallop, «Transformers» filmlar seriyasidagi Seymour Simmons kiradi, shuningdek, u «The Batman» filmida Carmine Falcone rolini ijro etishi rejalashtirilgan. 2016 yilda HBO telekanalining «The Night Of» mini-serialida bosh rolni, 2020 yilda esa «The Plot Against America» mini-serialida ikkinchi darajali rolni o'ynagan. Emmy mukofoti sovrindori Turturro to'rtta Screen Actors Guild Awards, ikkita Golden Globe Awards va to'rtta Independent Spirit Awards mukofotlariga nomzod bo'lgan. U Kann kinofestivalining «Oltin kamera» mukofotini qo'lga kiritgan «Mac» (1992), shuningdek, «Illuminata» (1998) va «Romance and Cigarettes» (2005) filmlariga rejissyorlik qilgan.