John Lithgow

John Arthur Lithgow (1945-yil 19-oktabrda tugʻilgan) — amerikalik aktyor. Garvard universiteti va London musiqa va drama san'at akademiyasida tahsil olgan. U sahnada va ekranda yaratgan turfa xil rollari bilan tanilgan. Faoliyati davomida oltita Primetime Emmy, ikkita Oltin globus va ikkita Toni mukofotlarini qoʻlga kiritgan, shuningdek, Ikki marta Oskarga nomzod boʻlgan. U Brodveyda debyut qilgan "The Changing Room" (1972) spektaklidagi roli uchun ilk Toni mukofotini olgan boʻlsa, "Sweet Smell of Success" (2002) myuzikli uchun ikkinchi Toni mukofotiga sazovor boʻlgan. 3rd Rock from the Sun (1996–2001) sitkomidagi Dick Solomon roli uchun uch karra Primetime Emmy mukofotini qoʻlga kiritgan. Shuningdek, "Dexter" (2009) serialidagi Arthur Mitchell va Netflix'ning "The Crown" (2016–2019) serialidagi Winston Churchill rollari uchun ham Primetime Emmy mukofotlari bilan taqdirlangan.