Biografiya
John Harrison o'z faoliyatini rok-kliplar suratga olishdan boshlagan va taniqli qo'rqinchli filmlar rejissyori George A. Romero («Tirik o'liklar kechasi» (1968), «Dahshat shousi» (1982)) yonida 1-rejissyor yordamchisi sifatida ishlagan. Harrison Romeroning mashhur «Qorong'ulikdan ertaklar» (1983) serialining bir nechta qismlariga ssenariy yozib, ularga rejissyorlik qilgan. Shundan so'ng Paramount Pictures uchun «Qorong'ulikdan ertaklar: Kino» (1990) filmini suratga olgan va bu ishi uchun Fransiyaning Avoriaz shahrida o'tkazilgan festivalda Gran-pri mukofotini qo'lga kiritgan. Harrison Disney studiyasi uchun «Dinozavr» (2000) animatsion filmini hamkorlikda yozgan. Shuningdek, u Disney uchun Clive Barkerning «Abarat» fantastik romanlari asosida ssenariy yozgan. 2006-yil kuzida Harrison o'z ustozi George Romero bilan yana birlashib, uning «O'liklar kundaligi» (2007) filmiga produserlik qildi. uning prodyuser Dean Devlin bilan hamkorlikda yaratgan «Blank Slate» (2008) nomli jangari-trilleri 2008-yil kuzida TNT telekanalida yigirma qismli mikro-serial sifatida namoyish etildi. Uning o'zi ssenariy yozib, rejissyorlik qilgan Clive Barkerning «Qon kitobi» (2009) filmi 2009-yil kuzida ekranlarga chiqdi. Frank Herbertning mashhur bestselleri asosida yaratilgan 6 soatlik «Dyuna» (2000) miniserialiga rejissyorlik qilgan va bu loyiha AQShda ham, xalqaro miqyosda ham Emmy mukofotiga sazovor bo'lgan muvaffaqiyatli ishga aylandi. Harrisonning Frank Herbertning navbatdagi romanlari asosida o'zi ssenariy yozib, birgalikda produserlik qilgan yana bir 6 soatlik «Dyuna farzandlari» (2003) miniseriali ham Sci-Fi telekanali uchun Emmy mukofotini keltirdi.
