Joe Strummer

John Graham Mellor (1952-yil 21-avgust – 2002-yil 22-dekabr) — Joe Strummer nomi bilan tanilgan britaniyalik musiqachi. 1976-yilda tashkil etilgan “The Clash” pank-rok guruhining asoschisi, qo‘shiqlar muallifi, ritm-gitarachisi va solisti. Guruh o‘zining musiqiy tajribalari hamda o‘tkir siyosiy mazmundagi qo‘shiqlari bilan rok musiqasiga katta ta’sir ko‘rsatgan. Strummer “101ers”, “The Latino Rockabilly War”, “The Mescaleros” va “The Pogues” guruhlari bilan hamkorlik qilgan. Aktyorlik, filmlar uchun musiqa yaratish va BBC radiosida boshlovchilik qilish bilan ham shug‘ullangan. 2003-yilda vafotidan so‘ng “The Clash” guruhi bilan birga Rok-n-roll shon-sharaf zaliga kiritilgan.