Joanne Peh

2002-yilda „Miss Singapore Universe“ tanlovida “Miss Elegant” va “Miss Personality” unvonlarini qo‘lga kiritgach, Joanne MediaCorp kompaniyasi e’tiboriga tushadi va u yer bilan shartnoma imzolaydi. O‘qish va ishni bir vaqtning o‘zida olib borishiga qaramay, u 2004-yilgi Star Awards taqdirlash marosimida „Eng mashhur debyutant“ va “Top 10 eng mashhur ayol aktrisa” mukofotlariga sazovor bo‘ladi. Nanyang texnologiya universitetining Aloqa va axborot maktabini tamomlagandan so‘ng, Joanne MediaCorp'da professional aktrisa sifatida faoliyatini davom ettiradi. U „Like Father, Like Daughter“, „The Golden Path“, „The Little Nyonya“ hamda „A Tale of 2 Cities“ kabi seriallardagi tabiiy ijrosi bilan tomoshabinlar e’tiborini qozonadi. Xususan, „The Little Nyonya“ dramasidagi taqdiri og‘ir, biroq qalbida ezguligi bor Yuzhu roli unga katta shuhrat keltirib, 2009-yilgi Star Awards'da “Eng yaxshi aktrisa” nominatsiyasini taqdim etdi. Joanne kinodagi faoliyatini 2004-yildayoq Jack Neo’ning „The Best Bet“ filmi bilan boshlagan. 2011-yilda esa Raintree Pictures studiyasining muvaffaqiyatli bayramona blokbasteri — „It’s A Great Great World“ filmida o‘zining aktrisalik salohiyatini yana bir bor namoyish etdi.