Jiah Khan

Jiah Khan — britaniyalik-amerikalik aktrisa va xonanda. 2007-yildan 2010-yilgacha hind kinosida uchta filmda suratga tushgan. Nyu-Yorkda tug‘ilib, Londonda o‘sgan aktrisa Bollivudda o‘z o‘rnini topish uchun Mumbayga ko‘chib o‘tgan. U 2007-yilda Ram Gopal Vermaning «Nishabd» filmida debyut qilgan va bu roli uchun Filmfare mukofotiga nomzod bo‘lgan. Shuningdek, 2008-yilning eng kassabop filmi «Ghajini»da zamonaviy va mustaqil ayol obrazi bilan katta muvaffaqiyat qozongan. Uning so‘nggi kinoijodi 2010-yilgi «Housefull» romantik komediyasidir. 2013-yil 3-iyun kuni Jiah Mumbaydagi uyida vafot etgan holda topilgan. Dastlab o‘z joniga qasd qilish deb baholangan bu hodisa, onasining da’volari va tekshiruv jarayonlaridagi noaniqliklar sababli qayta o‘rganilmoqda.