Jez Butterworth

Jeremy Butterworth (1969-yil, 4-martda tugʻilgan) — britaniyalik dramaturg, ssenariynavis va rejissyor. Zamonaviy teatrda afsona, folklor va realizm unsurlarini oʻziga xos tarzda uygʻunlashtirib, tan olingan ijodkor. U Tony va ikkita Laurence Olivier mukofoti sohibidir. Faoliyatini “Mojo” (1995) qora komediya dramasi bilan boshlagan va buning uchun “Eng yaxshi yangi komediya” nominatsiyasida Laurence Olivier mukofotiga sazovor boʻlgan. Uning “Jerusalem” pyesasi “XXI asrning eng buyuk britancha pyesasi” deb eʼtirof etilgan. “The Ferryman” (2017) asari uchun u yana Laurence Olivier va Tony mukofotlarini qoʻlga kiritgan. Uning oxirgi “The Hills of California” (2024) pyesasi Londonda premyera qilinib, keyinchalik Brodveyda ham namoyish etilgan. Kinodagi rejissyorlik debyuti ham aynan “Mojo” (1997) pyesasi asosida boʻlgan. U “Birthday Girl” (2001), “Fair Game” (2010), “Edge of Tomorrow” (2014), “Get On Up” (2014), “Black Mass” (2015) va “Ford v Ferrari” (2019) kabi filmlar ssenariysini yozgan. Shuningdek, “Spectre” (2015) hamda “Indiana Jones and the Dial of Destiny” (2023) filmlarida ham ssenariynavis sifatida ishtirok etgan.