Jet Li

Li Liansze (1963-yil 26-aprelda tugʻilgan), asosan Jet Li taxallusi bilan tanilgan — Xitoyda tugʻilgan, hozirda Singapur fuqaroligiga ega boʻlgan aktyor, jang sanʼati ustasi va prodyuser. Wu Bin qoʻl ostida uch yillik qattiq tayyorgarlikdan soʻng, u Pekin wushu jamoasi safida ilk milliy chempionatni qoʻlga kiritgan. 17 yoshida wushuni tark etib, aktyorlik faoliyatini boshlagan va Shaolin Temple (1982) filmidagi debyuti bilan Xitoyda katta shuhrat qozongan. Shundan soʻng u koʻplab mashhur jangari filmlarda, jumladan, Vong Fey-hung obrazini gavdalantirgan Once Upon A Time In China serialida bosh rollarni oʻynagan. Lining Hollywooddagi ilk roli Lethal Weapon 4 (1998) filmidagi salbiy qahramon boʻlgan, bosh roldagi debyuti esa Romeo Must Die (2000) filmiga toʻgʻri keladi. U keyinchalik koʻplab Hollywood jangari filmlarida suratga tushgan, jumladan The Forbidden Kingdom va The Mummy: Tomb Of The Dragon Emperor (2008) hamda The Expendables (2010) filmlarida ishtirok etgan.