Jessica DiCicco

Jessica Sonya DiCicco (1980-yil 10-iyunda tugʻilgan) — amerikalik aktrisa. U koʻproq animatsion teleseriallar va videooʻyinlardagi dublyaj ishlari bilan mashhur. Aktyorlik faoliyatini Nickelodeon telekanalining Noggin taʼlimiy kanalida diktor sifatida boshlagan. Shundan soʻng u Nickelodeon uchun koʻplab personajlarga, jumladan, "The Mighty B!"dagi Gwen Wu, "Winx Club"dagi Selina va Miele, "The Loud House"dagi Lynn va Lucy Loud hamda "It's Pony"dagi Annie Bramleyga ovoz bergan. Boshqa tarmoqlardagi loyihalari qatoriga Disney Channelning "The Buzz on Maggie" serialidagi Maggie Pesky va Cartoon Networkning "Adventure Time" serialidagi Olovli malika (Flame Princess) kiradi, bu unga dunyo miqyosida tanilish olib keldi. Shuningdek, "The Emperor's New School" multfilmidagi Malina roli uchun Daytime Emmy mukofotiga nomzod boʻlgan.