Jesse Eisenberg

Jessi Adam Eisenberg (1983-yil 5-oktabrda tugʻilgan) — amerikalik aktyor va kinoijodkor. U koʻplab mukofotlarga sazovor boʻlgan, jumladan, ikkita Akademiya, uchta BAFTA va uchta Oltin globus mukofotlari nominatsiyalarini qoʻlga kiritgan. Eisenberg televideniyedagi debyutini unchalik uzoq davom etmagan „Get Real“ (1999–2000) komediya-dramasi orqali amalga oshirgan. „Roger Dodger“ (2002) filmidagi ilk bosh rolidan soʻng, u „The Squid and the Whale“ (2005), „Adventureland“ (2009) va „Zombieland“ (2009) kabi filmlarda suratga tushdi. U David Fincherning „The Social Network“ (2010) filmida Facebook asoschisi Mark Zuckerberg rolini ijro etib, yanada kengroq shuhrat qozondi va bu roli uchun “Eng yaxshi aktyor” yoʻnalishida Akademiya mukofotiga nomzod boʻldi. Shundan soʻng Eisenberg Woody Allening „To Rome with Love“ (2012) va „Café Society“ (2016) filmlarida, „Now You See Me“ (2013) hamda uning 2016-yildagi davomi boʻlgan loyihalarda, shuningdek, „The Double“ (2013) kabi mustaqil dramalarda rol oʻynadi. U „Batman v Superman: Dawn of Justice“ (2016) superqahramonlar filmida Lex Luthor rolini gavdalantirgan va „Rio“ (2011) hamda „Rio 2“ (2014) animatsion filmlarida bosh qahramonga ovoz bergan. 2022-yilda u FX / Hulu telekanalining „Fleishman Is in Trouble“ miniserialida bosh rolni ijro etgan. U „When You Finish Saving the World“ qora komediyasi bilan rejissyorlik debyutini qildi. Shundan keyin u „A Real Pain“ (2024) filmini suratga oldi, uning ssenariysini yozdi va bosh rolni ijro etdi, bu ishi uchun u “Eng yaxshi original ssenariy” yoʻnalishida Akademiya mukofotiga nomzod boʻldi. Eisenberg „The New Yorker“ va „McSweeney's“ veb-saytlariga maqolalar yozib turadi. U Nyu-York teatr sahnasi uchun uchta pyesa yozgan va ularda rol oʻynagan.