Jesse Armstrong

Jess Deyvid Armstrong (1970-yil 13-dekabrda tug‘ilgan) — ingliz ssenariynavisi va prodyuseri. U britaniyalik mashhur komediya seriallari va hajviy dramalarni yozishdagi mahorati bilan tanilgan. Armstrong faoliyati davomida ko‘plab nufuzli mukofotlarga, jumladan, ikkita BAFTA TV, uchta «Oltin globus», uchta WGA va sakkizta «Emmi» mukofotiga sazovor bo‘lgan, shuningdek, «Oskar» va ikkita BAFTA kino mukofotiga nomzod bo‘lgan. U o‘z faoliyatini Sam Beyn bilan hamkorlikda «Peep Show» (2003–2015) va «Fresh Meat» (2011–2016) komediya seriallarini yaratishdan boshlagan. Shuningdek, «The Thick of It» (2005–2009) siyosiy satirasida ssenariynavislik qilgan hamda «In the Loop» (2009) filmini hammualliflikda yozgan (bu asar uchun «Oskar» va BAFTA nominatsiyalarini olgan). U «Four Lions» (2010), «Downhill» (2020) filmlari va «Mountainhead» (2025) televizion filmi ustida ham ishlagan. Armstrong HBO telekanalining muvaffaqiyatli «Succession» (2018–2023) komedik-drama seriali uchun yaratuvchi sifatida katta shuhrat qozondi va serialning to‘rt fasli uchun ketma-ket «Eng yaxshi dramatik ssenariy» nominatsiyasida «Emmi» mukofotini qo‘lga kiritdi.