Jennifer Warren

Jennifer Warren (1941-yil, 12-avgustda tug‘ilgan) – amerikalik aktrisa va kinorejissyor. Nyu-Yorkning Greenwich Village hududida aktrisa Paula Bauersmith va tish shifokori Barnet M. Warren oilasida dunyoga kelgan. Uning amakisi yiddish teatri aktyori va rejissyori Jacob Ben-Ami bo‘lgan. Warren Elisabeth Irwin o‘rta maktabini tamomlagan. 1976-yilda prodyuser Roger Gimbelga turmushga chiqqan. Ularning Barney ismli yozuvchi va muharrir o‘g‘li bor. Gimbel 2011-yil 26-aprelda vafot etgan. Aktrisa 1972-yilda Brodveydagi «6 Rms Riv Vu» spektaklida debyut qilgan va «Theatre World Award» mukofotini qo‘lga kiritgan. Shuningdek, «P. S. Your Cat Is Dead!» spektaklida ham ishtirok etgan. Uning kino ijodida «Slap Shot» (xokkey murabbiyi Pol Nyumanning rafiqasi roli), «Night Moves», «Ice Castles», «The Swap» (1969) va «Life Stinks» kabi filmlar bor. Rejissyor sifatida «The Beans of Egypt, Maine» (1994) va «Partners in Crime» (2000) nomli ikkita to‘liq metrajli filmni suratga olgan. John Willisning «Screen World» jurnalining 27-sonida 1975-yilning «Istiqlbolli yangi aktyorlari» o‘nligiga kiritilgan. Televideniyedagi faoliyati davomida ko‘plab filmlarda suratga tushgan, shuningdek, «The Bob Newhart Show», «Kojak», «Cagney and Lacey», «Hotel», «Hooperman» va «Murder, She Wrote» kabi seriallarda mehmon rollarini ijro etgan.