Jennifer Coolidge

Jennifer Coolidge (1961-yil 28-avgustda tug'ilgan) — amerikalik aktrisa. U "American Pie" (1999–2012) va "Legally Blonde" (2001–2003) kabi komediya filmlaridagi rollari bilan tanilgan. Coolidge'ning boshqa kinoijod namunalari qatoriga "Pootie Tang" (2001), "A Cinderella Story" (2004), "Click" (2006), "Date Movie" (2006), "Epic Movie" (2007), "Promising Young Woman" (2020), "Single All the Way" (2021), "Shotgun Wedding" (2022) va "A Minecraft Movie" (2025) filmlari kiradi. Shuningdek, u rejissyor Christopher Guest'ning to'rtta mokumentari (soxta hujjatli) filmida: "Best in Show" (2000), "A Mighty Wind" (2003), "For Your Consideration" (2006) va "Mascots" (2016) da suratga tushgan. Televideniyeda Coolidge "Joey" (2004–2006), "The Secret Life of the American Teenager" (2008–2012), "2 Broke Girls" (2011–2017) sitkomlarida hamda "The Watcher" (2022) dramatik serialida ishtirok etgan. U HBO'ning "The White Lotus" (2021–2022) antologik serialining dastlabki ikki mavsumida Tanya McQuoid rolini ijro etib, tanqidchilar olqishiga sazovor bo'ldi va ikkita "Primetime Emmy" hamda "Oltin globus" mukofotlarini qo'lga kiritdi. 2023-yilda u Time jurnalining dunyodagi eng nufuzli 100 kishining yillik ro'yxatiga kiritildi.