Jason Mraz

Jason Thomas Mraz (1977-yil 23-iyunda tug‘ilgan) — amerikalik xonanda va qo‘shiq muallifi. Virjiniya shtatining Mechanicsville shahrida tug‘ilib o‘sgan. Uning uslubiga reggi, pop, rok, folk, jazz, bossa-nova va hip-hop ta’sir ko‘rsatgan. 2002-yilda «Waiting for My Rocket to Come» nomli ilk albomini chiqargan. Biroq haqiqiy tijoriy muvaffaqiyat unga ikkinchi albomi «Mr. A-Z» bilan kelgan. 2008-yilda chiqarilgan «We Sing. We Dance. We Steal Things.» albomi esa butun dunyo bo‘ylab shuhrat keltirdi. Ayniqsa, shu albomdagi «I’m Yours» singli xalqaro hitga aylanib, «Billboard Hot 100» chartida 76 hafta davomida qoldi va rekord o‘rnatdi.