Janelle Monáe

Janel Mone Robinson (1985-yil 1-dekabrda tug‘ilgan) — amerikalik xonanda, qo‘shiqnavis, reper, prodyuser, aktrisa va model. Musiqiy faoliyatini 2003-yilda boshlagan. 2010-yilda chiqarilgan debyut albomi «The ArchAndroid» unga xalqaro miqyosda tanilish va tanqidchilarning yuqori bahosini olib kelgan. Kinodagi debyutini 2016-yilda «Oskar» mukofotiga sazovor bo‘lgan «Moonlight» filmi bilan amalga oshirgan. O‘sha yili «Hidden Figures» biografik dramasida Taraji P. Xenson va Oktaviya Spenser bilan birga rol ijro etgan. U musiqiy ijodi uchun sakkiz marotaba «Grammy» mukofotiga nomzod bo‘lgan.