James Wan

James Wan (1977-yil 26-fevral) — avstraliyalik kinorejissyor. U asosan qo‘rqinchli janrda ijod qiladi va “Saw” hamda “Insidious” franshizalari hammuallifi hamda “The Conjuring Universe” olamining yaratuvchisi sifatida tanilgan. “The Conjuring” 2 milliard dollardan ortiq daromad bilan tarixdagi eng kassabop qo‘rqinchli filmlar turkumi hisoblanadi. Wan, shuningdek, Atomic Monster kinostudiyasiga asos solgan. Karyerasini “Saw” franshizasi bilan boshlagan rejissyor 2004-yilda to‘liq metrajli filmdagi debyutini amalga oshirdi. Ushbu franshiza tijoriy muvaffaqiyat qozonib, jahon bo‘ylab 1 milliard dollardan ortiq mablag‘ keltirdi. Bir qator qiyinchiliklardan so‘ng, Wan “Insidious” turkumi bilan yangi muvaffaqiyatlarga erishdi (2010 va 2013-yillardagi qismlar). Shu yili u “The Conjuring” filmini suratga oldi. Rejissyor 2016-yilda ushbu franshizaning ikkinchi qismini boshqardi va keyingi qismlariga prodyuserlik qildi. Qo‘rqinchli janrdan tashqari, Wan “Fast & Furious” franshizasining yettinchi qismi — “Furious 7” (2015), hamda DC koinotining “Aquaman” (2018) va uning davomi “Aquaman and the Lost Kingdom” (2023) filmlarini suratga olgan. “Furious 7” va “Aquaman” filmlarining har biri 1 milliard dollardan ortiq daromad keltirgan, bu esa Wan'ni ushbu natijaga erishgan sakkizinchi rejissyorga aylantirgan. 2021-yil holatiga ko‘ra, u o‘z filmlari bilan 3,7 milliard dollardan ortiq mablag‘ ishlab topib, barcha davrlarning eng kassabop 16-rejissyori hisoblanadi.