James Franco

James Edward Franco (1978-yil, 19-aprelda tug'ilgan) — amerikalik aktyor va rejissyor. «127 soat» (2010) filmidagi roli uchun «Oskar» mukofotiga nomzod bo'lgan. U «O'rgimchak odam» trilogiyasi, «Milk», «Ye, ibodat qil, sev», «Maymunlar sayyorasi: Inqilob» kabi filmlari bilan tanilgan. Seth Rogen bilan ko'p hamkorlik qiladi, xususan «Pineapple Express», «Oxirgi zamon», «Sosiskalar ziyofati» va «Daho» (2017) filmlarida birga ishlagan, oxirgisi uchun «Oltin globus» mukofotiga sazovor bo'lgan. Televideniyedagi ilk yirik rolini «Freaks and Geeks» (1999–2000) komediya-dramasida ijro etgan. «Jeyms Din» (2001) biografik filmidagi roli uchun «Oltin globus»ni olgan hamda Emmy mukofotiga nomzodlik ko'rsatilgan. Shuningdek, «Bosh shifoxona» (2009–2012) serialida va «11.22.63» (2016) miniserialida, hamda HBO kanalining «The Deuce» (2017–2019) serialida bosh rollarni ijro etgan.