James Brown

James Brown (1933 yil 3 may — 2006 yil 25 dekabr) — amerikalik qo'shiqchi va bastakor, vaqt o'tişi bilan "Soul cho'qintirgan otasi" (The Godfather of Soul) deb e'tirof etilgan. Ijodini gosphel guruhlarida qo'shiq aytishdan boshlagan va bosqichma-bosqich muvaffaqiyatga erishgan. U XX asr ommaviy musiqasining eng yorqin namoyandalaridan biri sifatida tan olingan bo'lib, o'ziga xos ovozi va jo'shqin raqslari bilan shuhrat qozongan. Shuningdek, uni "shou-biznesdagi eng mehnatkash inson" deb ham atashgan. Brown professional musiqa faoliyatini 1956 yilda boshlagan va 1950-yillarning oxiri hamda 1960-yillarning boshlarida jonli ijodagi betakror chiqishlari hamda xit tarona'lari tufayli tezda shuhrat qozondi. Turli shaxsiy muammolar va qiyinchiliklarga qaramay, u 1980-yillarga qadar har bir o'n yillikda o'z xitlarini yaratishda davom etdi. Musiqadagi ulkan yutuqlaridan tashqari, Brown 1960–1970 yillarda AQShdagi siyosiy jarayonlarda ham faol qatnashgan.