Jake Gyllenhaal

Jake Gyllenhaal (1980-yil 19-dekabrda tugʻilgan) — amerikalik aktyor va prodyuser. Ijodkorlar oilasida tugʻilgan: uning otasi rejissyor Stephen Gyllenhaal, onasi ssenariy muallifi Naomi Foner, katta opasi esa aktrisa Maggie Gyllenhaal. Bolaligidan aktyorlik qila boshlagan Gyllenhaal 1991-yilda "City Slickers" filmida debyut qilgan, keyinchalik otasining "A Dangerous Woman" (1993) va "Homegrown" (1998) filmlarida rollar ijro etgan. Uning uchun muvaffaqiyat keltirgan rollar "October Sky" (1999) filmidagi Homer Hickam va "Donnie Darko" (2001) filmidagi ruhiy tushkunlikka tushgan oʻsmirobrazi boʻldi. 2004-yilda u "The Day After Tomorrow" fantastik-katastrofa filmida bosh rolni oʻynadi. 2005-yilda Ang Lining "Brokeback Mountain" romantik dramasida Jack Twist rolini ijro etib, BAFTA mukofotini qoʻlga kiritdi va "Oskar"ga nomzod boʻldi. Uning faoliyati "Zodiac" (2007), "Love & Other Drugs" (2010) va "Source Code" (2011) kabi filmlardagi rollari bilan yanada rivojlandi. Denis Villenyurning "Prisoners" (2013) va "Enemy" (2013) trillerlaridagi ishlari unga yana-da katta eʼtirof keltirdi. "Nightcrawler" (2014) filmidagi manipulyator jurnalist va "Nocturnal Animals" (2016) filmidagi muammoli yozuvchi rollari uchun BAFTA mukofotiga nomzod boʻlgan. Uning eng koʻp daromad keltirgan filmi Marvel olamining "Spider-Man: Far From Home" (2019) filmi boʻlib, unda Quentin Beck / Mysterio rolini gavdalantirgan. Shuningdek, Gyllenhaal Brodvey sahna koʻrinishlarida ham faoliyat yuritgan.