Jaimie Alexander

Jaimie Alexander (1984-yil 12-martda tugʻilgan) — amerikalik aktrisa. U "Kyle XY" serialidagi Jessi hamda 2011-yilda suratga olingan "Thor", uning 2013-yildagi davomi "Thor: The Dark World" va "Agents of S.H.I.E.L.D." filmlaridagi Sif roli bilan tanilgan. 2015-yildan beri NBC telekanalining "Blindspot" serialida bosh rolni ijro etib kelmoqda. Jaimie Alexander Janubiy Karolina shtatining Grinvill shahrida tugʻilib, toʻrt yoshida Teksas shtatining Grapevayn shahriga koʻchib oʻtgan. U besh farzandli oiladagi yagona qiz. Maktab yillaridayoq havaskor teatr toʻgaragiga qatnashib, aktrisalikka qiziqa boshlagan. Keyinchalik qoʻshiqlari unchalik yaxshi chiqmagani uchun maktab teatridan chiqarib yuborilgan va e'tiborini sportga qaratgan. 17 yoshida esa tanishining oʻrniga aktyorlik agentligi koʻrigiga borib, menejeri Randy James bilan tanishgan va u aktrisaga ssenariylar joʻnata boshlagan. Kolleyville Heritage oʻrta maktabini tamomlagach, bir yarim yil oʻtib, aktyorlik faoliyatini davom ettirish uchun Los-Anjelesga koʻchib oʻtgan.