Jacqueline Lustig

Jacqueline Lustig Argentina poytaxti Buenos-Ayres shahrida tug'ilgan. U kino olamidagi debyutini Marco Bechis rejissorligidagi «Alambrado» filmida Eva Logan bosh rolini ijro etishdan boshlagan. Jacqueline Lustig Parij va Rimda 17 yil yashab, Marco Bellocchio («My Mothers' Smile» va «La Balia»), Thomas Robsahm («S.O.S.» norveg filmi), Fabio Carpi («La prossima volta il fuoco») kabi rejissorlar bilan hamkorlik qilgan. U ushbu filmlar bilan Venetsiya xalqaro kinofestivali, Kann xalqaro kinofestivali, Lokarno kinofestivali hamda Gavana kinofestivalida qatnashgan. Ayni paytda Buenos-Ayresda yashab, teatrda sahnaga chiqadi, flamenko raqsiga tushadi, qo'shiq kuylaydi, shuningdek, produserlik va ssenariylik bilan shug'ullanadi.