Jacqueline Fernandez

Jaklin Fernandes — Bahraynda tug‘ilgan shri-lankalik aktrisa va model. 2006-yilda «Miss Universe Sri Lanka» tanlovi g‘olibi bo‘lgan va o‘z mamlakatini xalqaro «Miss Universe» tanlovida himoya qilgan. Avstraliyaning Sidney universitetida ommaviy kommunikatsiyalar yo‘nalishi bo‘yicha diplom olgan va Shri-Lankada televidenie muxbiri bo‘lib ishlagan. 2009-yilda Hindistonda modellik qilayotgan vaqtida «Aladin» fantastik dramasi uchun kastingdan muvaffaqiyatli o‘tib, aktrisalik faoliyatini boshlagan. 2011-yildagi «Murder 2» psixologik trilleri uning karyerasida burilish yasagan va katta tijoriy muvaffaqiyat keltirgan. Hindistonning eng mashhur aktrisalaridan biri bo‘lgan Fernandes ko‘plab mukofotlarga sazovor bo‘lgan. U kinodagi rollaridan tashqari, «Jhalak Dikhhla Jaa» raqs shousining to‘qqizinchi mavsumida hakamlik qilgan, turli brendlar elchisi sifatida ishtirok etadi va xayriya ishlari bilan faol shug‘ullanadi.