Jack Wild

1952 yil 30 sentyabrda Angliyaning Oldham yaqinidagi Royton shahrida tug'ilgan Jek Uayldni rok-yulduz Fil Kollinzning onasi, aktyorlar agenti Jun Kollinz kashf etgan. U Londondagi "Oliver!" sahnasidagi Oliver roli orqali muvaffaqiyat qozongan. Film ekran yuzini ko'rganida, Artful Dodger roli Jekga nasib etdi va bu unga "Eng yaxshi ikkinchi darajali aktyor" nominatsiyasida Oskar mukofotini keltirdi. Ushbu muvaffaqiyat ortidan unga Amerikaning "H.R. Pufnstuf" (1969) teleserialida bosh rol taklif qilindi. Sid va Marti Krofftlar mahsuli bo'lgan mazkur loyihada Uayld qo'g'irchoqlar va maxsus kiyingan aktyorlar qurshovidagi sehrli o'lkada adashib qolgan bola rolini o'ynagan. Serialning muvaffaqiyati Uayldning o'sha rolni "Pufnstuf" (1970) filmida takrorlashiga sabab bo'ldi. Shundan so'ng u "Melody" (1971) va "Flight of the Doves" (1971) kabi filmlarda suratga tushdi. Shu davrda Uayld uchta albomini ("The Jack Wild Album"; mualliflik qo'shiqlaridan tashqari istiqbolli qo'shiqnavis Linzi De Polning yangi taronalari ham kiritilgan "Everything's Coming up Roses"; va "Beautiful World") chiqaradi. Biroq 1972 yilga kelib u "The Pied Piper" (1972) filmida ikkinchi darajali rollarga tushib qoldi. Shuningdek, u "Our Mutual Friend" (1976) loyihasida ham qatnashgan. Keyinchalik u kinoga qaytib, "Robin Gud: O'g'rilar qiroli" (1991) filmida tegirmonchining o'g'li va "Basil" (1998) filmida olibsotarlar rolini ijro etdi. 2004 yil iyul oyida og'iz bo'shlig'i saratoni bo'yicha operatsiyani boshidan kechirib, ovoz payvandlari va tilining bir qismi olib tashlangan.